تعالوا نحكي لكم حكاية إصرار من قصص خريجي الأكاديمي
بتقول صاحبة القصة:
“أنا اسمي لجين من سوريا. أول ما شفت إعلان طحالب أكاديمي لكورس الدوبلاج فرحت كتير وقلت لازم سجل خصوصي إني متابعة كتير قناة طحالب وبحب المواضيع والطريقة اللي بيقدموا الفكرة فيها، اول شغلة واجهتني مشكلة كيف ممكن سجل وأنا بسوريا لأنه ما عنا دفع إلكتروني ، بعدين مشي الحال وسجلت،
وأنا لسة بالكورس عملت زيارة لسبيستون وحكيت إنه بدي اشتغل معهن وكنت روح بس اقعد بالكنترول وضليت سنة على هالحالة لحتى آخر شي عملولي تيست طبعا ما كنت جاهزة تماما لإنو يعطوني دور بس كان عندي معرفة جيدة بالتمثيل الصوتي والأساسيات وبحكم التاسكات اللي كان يعطينا اياها المدرب في كورس الدوبلاج، وهاد ساعدني كتير، والحمدالله أخدت دور بمسلسل كونان و دور تاني بـHunter X Hunter وهلأ في عمل جديد عم نشتغل عليه"
